- Os datos poderían sufrir variacións debido ás probas PCR que se lle están a facer a todos os contactos próximos dos afectados
O Concello de Santa confirmou este venres que no municipio existen tres casos positivos por Covid-19, segundo datos oficiais facilitados polas autoridades sanitarias.
Desde o Consistorio piden tranquilidade e sinalan que non se trata dun gromo, aínda que os datos poderían sufrir variacións nas próximas horas e datas, dado que se están a facer probas PCR a tódolos contactos próximos dos declarados positivos.
Para evitar calquera situación máis complicada e buscando a seguridade dos cidadáns, o Concello decidiu suspender as actividades organizadas nas instalacións municipais, en principio, durante esta fin de semana.