A Dirección Xeral de Tráfico (DXT) ten previsto substituír os triángulos de preseñalización de avaría ou accidente por sinais luminosos no ano 2025. O principal motivo desta medida é o perigo que comporta ter que baixar do vehículo para colocar o triángulo de preseñalización. A subdirectora adxunta de circulación da DXT, Ana Blanco, explicou nun coloquio sobre a sinalización de emerxencia en estradas levado a cabo na caseta de Help Flash da feira Motortec de IFEMA, que en 2018 “máis de 20 persoas faleceron en autoestradas e autovías como consecuencia deste tipo de atropelos”. Blanco puxo de exemplo a Reino Unido, onde está prohibido a colocación dos triángulos en autoestrada e autovía. Actualmente, a regulación tan só recomenda o uso dun dispositivo luminoso como elemento opcional. Con todo, hai que lembrar que é obrigatorio levar os triángulos pero que non se utilizan se a súa colocación supoñen un perigo.