Non é a primeira vez que ocorre, aínda que en moitos lugares de España, pillou a moitos por sorpresa. O avistamento de medio cento de luces que sobrevoan o ceo a gran velocidade, en liña recta e mantendo as distancias, asusta a algúns veciños que se lanzan a chamar ao 112 e outros números de teléfono de emerxencia para, alertar uns, e consultar outros, acerca do que acababan de ver.
Pero, en realidade, non había de que preocuparse, as luminarias corresponden ao tren de satélites privados Starlink, lanzados pola compañía aeroespacial Space X, fundada por Elon Musk, dono doutras compañías como Tesla, fabricante de coches eléctricos.
Este feito é máis habitual do que parece. A observación permite ver como se van separando os satélites ao longo de varias semanas para poñerse en órbitas diferentes. Durante moitas noites ven como un tren.
SpaceX está a lanzar estes satélites Starlink desde hai uns meses. Forman parte dunha gran constelación que permitirá ofrecer servizos da internet a todo o mundo, con especial atención a lugares de difícil acceso. Os satélites estanse lanzado en lotes de 60 e, ao longo de 2020, había previstos varios lanzamentos por parte de SpaceX.