Nunha entrevista concedida a ‘Euronews’ este luns, horas despois de que se celebrase a adhesión de Suecia á OTAN nunha cerimonia de izado de bandeira na sede da alianza en Bruxelas, Stoltenberg insistiu en que a OTAN é «un bo negocio para os Estados Unidos».
«A OTAN é importante para Europa, pero tamén para os Estados Unidos. Teñen 31 amigos e aliados, algo que Rusia ou China non teñen en absoluto», dixo Stoltenberg, que deixará o cargo de xefe da OTAN en outubro.
En febreiro, Trump dixo nun mitin en Carolina do Sur que «animaría» a Rusia a atacar a calquera país da OTAN que non achegase o 2% do seu PIB ás arcas da alianza. Os comentarios suscitaron duras críticas en Europa, e o propio Stoltenberg advertiu do perigo de socavar a «credibilidade da disuasión da OTAN» e lembrou aos Estados Unidos que unha OTAN forte interésalle, xa que o país «nunca librou unha guerra só.»