22
Así o manifestou Manolo Seixas, un dos promotores do partido da vicepresidenta estatal Yolanda Díaz, en declaracións aos medios este sábado desde Chantada, onde se levou a cabo unha xornada organizada por Interior Galego Vivo (IGV) á que asistiu a portavoz de Sumar no Congreso, Marta Lois. Sumar Galicia fala abertamente dun “goberno a tres” na Xunta a partir das próximas eleccións galegas e, aínda que non menciona explicitamente a Podemos, si mantén as “portas abertas a todas esas persoas que queiran un cambio político” en Galicia. O propósito da formación será realizar “políticas moi diferentes” ás do PP, empezando polo interior galego, que foi o principal motivo para a súa participación nestas xornadas en Chantada.