A Xunta de Galicia, a través da Axencia para a Modernización Tecnolóxica de Galicia (Amtega), adxudicou a Telefónica a posta en marcha do Laboratorio e centro demostrador de ciberseguridade en produtos con elementos dixitais, cuxo obxectivo será observar e anticipar os retos de ciberseguridad aos que se enfrontan as institucións, as empresas e a sociedade galega.
Este laboratorio e centro demostrador forma parte dunha iniciativa maior que inclúe dous laboratorios e centros demostradores complementarios. Trátase do Laboratorio e centro demostrador de ciberseguridade en produtos con elementos dixitais e o Laboratorio e centro demostrador de Ciberseguridade Industrial, enmarcados no proxecto RETECH e desenvolvidos pola Xunta de Galicia en colaboración co Instituto Nacional de Ciberseguridad (INCIBE), entidade dependente do Ministerio para a Transformación Dixital e a Función Pública, a través da Secretaría de Estado de Telecomunicacións e Infraestruturas Dixitais. Situaranse provisionalmente na Cidade da Cultura, á espera de que finalicen as obras do Centro de Ciberseguridad de Galicia que se está construíndo no Parque Tecnolóxico de Ourense. Serán uns espazo físicos e virtuais para fomentar a innovación, o emprendemento, a formación e a colaboración entre empresas, administracións, cidadanía e centros educativos.
No Laboratorio e centro demostrador de ciberseguridade en produtos con elementos dixitais, Telefónica instalará demostradores tecnolóxicos para observar a aplicación de tecnoloxías de ciberseguridad en sectores estratéxicos. Entre eles, está o de avaliación e validación de ciberseguridad de todo tipo de produtos e servizos con elementos conectados, a monitoraxe da calidade do aire en edificios intelixentes, o uso de xemelgos dixitais para xestión urbana en cidades intelixentes, o CyberRange ou plataforma para a simulación de ciberataques, un laboratorio forense para a análise de hardware, firmware e vulnerabilidades, a xestión segura de frotas para vehículos conectados, o traballo en agricultura intelixente para a predición de enfermidades en cultivos ou a interacción e validación de seguridade en robótica e especificamente no robot humanoide Unitree G1 U1.
Dentro dos servizos prestados por este centro está tamén o desenvolvemento de funcións e servizos para a cidadanía, as empresas e os estudantes tanto da Universidade como de FP. Entre eles, o fogar dixital e as solucións para a soidade non desexada, as probas e certificación de dispositivos IoT, formación en ciberseguridad, incubación e aceleración de startups, formación na normativa de ciberseguridad (CRA, NIS 2) á que teñen que adecuarse as empresas, organización de eventos, un observatorio de ciberseguridad para a elaboración do Libro Branco de Ciberseguridad de Galicia e, entre outros, un espazo experiencial para a divulgación tecnolóxica e a sensibilización cidadá.
En palabras do director do Territorio Norte de Telefónica España, Manuel Ángel Alonso, «este centro permitirá posicionar a Galicia como un referente nacional e internacional en ciberseguridade, e nel teremos a dispoñibilidade, por exemplo, dun robot humanoide, que permitirá tamén traballar na aplicabilidade de tecnoloxías como a IA ou a cuántica na axuda ás persoas e as empresas».
Esta iniciativa levará a cabo no marco dos fondos do Plan de Recuperación, Transformación e Resiliencia, financiado pola Unión Europea, e con ela a Xunta de Galicia e Telefónica impulsan un ecosistema de innovación en ciberseguridad e IoT que permitirá que medianas e pequenas empresas poidan acceder, de forma gratuíta, a recursos avanzados, coñecemento especializado e apoio técnico para anticipar riscos, protexerse fronte ás novas ameazas dixitais e cumprir coa nova regulación europea. O centro demostrador de ciberseguridad e elementos dixitais convértese así nun espazo onde a tecnoloxía e a colaboración únense para transformar o futuro dixital de Galicia.
Sobre RETECH
O programa de Redes Territoriais de Especialización Tecnolóxica —RETECH— é unha iniciativa impulsada desde a Secretaría de Estado de Telecomunicacións e Infraestruturas Dixitais para promover a transformación dixital de todas as rexións españolas mediante a posta en marcha de proxectos territoriais impulsados de forma conxunta coas comunidades autónomas.