31
- As representacións de ambos concellos mantiveron unha xuntanza de traballo e realizaron un percorrido pola vila
Este xoves Carballo recibiu a unha ampla representación do goberno local de Tomiño (Pontevedra), interesados pola xestión de varias áreas e programas do concello carballés, como o funcionamento das bibliotecas e a xestión cultural en xeral, as accións de eficiencia enerxética e xestións dos residuos, o desenvolvemento industrial e as políticas de benestar.
A expedición de Tomiño, encabezada pola alcaldesa nacionalista Sandra González Álvarez e integrada por varios concelleiros, chegou a Carballo sobre ás 12.30 horas e foi recibida polo alcalde carballés Evencio Ferrero e por varios concelleiros.
O intercambio de opinións e experiencias continuou cunha visita a algúns dos servizos e instalacións municipais, e un percorrido pola vila.