19
O presidente do Parlament Roger Torrent (ERC), anunciou este venres que as eleccións en Cataluña serán o próximo 14 de febreiro en caso de non haber debate de investidura. Torrent está actualmente en prazo para presentar un candidato para presidir a Generalitat tras a inhabilitación de Quim Torra, aínda que o Parlament non recoñeceu o pasado mércores como “lexítima” dita inhabilitación e JxCat e ERC rexeitaron propoñer un candidato alternativo para ser investido. “Se non hai un debate de investidura en Parlament, iremos a eleccións. De feito, o cómputo finalizaría o 10 de febreiro e, por tanto, iriamos ao domingo 14 de febreiro”, asegurou Torrent nunha entrevista en Rac1.