31
Traballadores de Alcoa e familiares mobilizáronse na mañá deste domingo, en protesta polo anuncio do despedimento colectivo anunciado pola empresa. Cortaron a autovía A-8 na Ponte dos Santos, o acceso que une Galicia e Asturias, con barricadas e plantándolles lume a gran número de pneumáticos.
Esta semana Alcoa comunicou o despido colectivo de 534 traballadores da planta de aluminio de San Cibrao. A empresa, que achega case un terzo do producto interior bruto da provincia lucense, recibiu nos últimos tempos 38 millóns de euros de axudas oficiais, que tería que devolver se realmente leva a cabo o despido.
Os propietarios xustifican que o desmantelamento se debe á escasa demanda do aluminio e ao prezo da enerxía para producilo en San Cibrao.