Toda a illa da Gomera quedouse sen subministración eléctrica na madrugada deste domingo como consecuencia dun incendio producido nas instalacións da central térmica do Palmar, en San Sebastián, segundo informou o Goberno Canario, que instou á compañía Endesa a restablecer a enerxía e a aclarar as causas.
O incendio afectou desde as 03.00 da madrugada (hora local canaria) á sala de servizos auxiliares da central e obrigou a deter a súa operatividade por precaución. Esto provocou un “cero enerxético” (apagamento xeral) nos 15.313 puntos de subministración da illa, na que viven máis de 22.000 persoas.
Os servizos esenciais como o Hospital Insular Virxe de Guadalupe, o Porto de San Sebastián de la Gomera e o aeroporto insular seguen funcionando con normalidade grazas a motores auxiliares. Con todo, o Consello Insular de Augas da Gomera pediu á poboación da illa que modere o consumo de auga, debido a que se produciu unha parada nas sondaxes que a fornecen aos depósitos de cabeceira.