O incidente produciuse sobre as 19:00 deste martes e foi un particular quen alertou á Garda Civil
O Ézaro é un dos lugares máis visitados da Costa da Morte e durante a tarde deste martes, tamén acaparou a mirada de varios turistas e veciños que se viron sorprendidos polo accidental aparcamento dun coche, que quedou coa parte de diante suspendida no aire. Todo indica que o incidente se produciu por un despiste ao non deixar posto o freo de man. Afortunadamente non houbo que lamentar danos persoais.
Sobre as 19:00 horas un particular alertaba á Garda Civil dun incidente nun dos aparcamentos habilitados na subida ao Mirador do Ézaro. Os axentes contactaron coa persoa do turismo para poñela en situación e buscar unha solución.
