É o balance do incendio rexistrado a madrugada deste xoves no Hotel Baía de Vigo. O cliente atendido polos servizos de emerxencias sufriu unha intoxicación por fume e o resto foi reacollido nos hoteis Cidade de Vigo e Eurostat. Dadas as características do edificio, un total de seis vehículos dos parques de Bombeiros de Teis e Balaídos desprazáronse ata o lugar. Pola súa banda, unha decena de patrullas da Policía Local e Nacional tamén acudiron e procederon a cortar o tráfico. Ademais, dúas ambulancias do 061, unha delas medicalizada, foron mobilizadas.