Todo sucedeu a media tarde deste martes, no domicilio que ambos, duns 25 anos, compartían na localidade de Palmeira, habitual zona de veraneo e de segundas residencias. Foron os veciños os que deron a alerta ao 112, avisando dun altercado nunha vivenda da rúa Doutor Torres. Cando chegaron os servizos de emerxencia, atoparon o corpo sen vida da moza e á súa parella ferida. A falta de confirmación oficial, as primeiras informacións apuntan a que o home usaría un coitelo como arma homicida e para tentar quitarse a vida tras consumar o crime. A parella tiña un fillo en común, que non se atopaba no domicilio. O suceso investígase como violencia machista. O suposto asasino xa fora denunciado por violencia machista en 2019 nunha relación anterior.
19