Un home morre afogado na praia de Arealonga, en Barreiros


Un home morreu afogado este sábado na praia de Arealonga, no concello lugués de Barreiros. Ao non haber socorristas de terra, os tripulantes dun kaiak foron os que rescataron o corpo sen vida nunha zona rochosa do areal. Varios bañistas alertaron aos servizos de emerxencias de que había dúas persoas en apuros nun momento no que o mar estaba bastante revolto. Un deles conseguiu poñerse a salvo, pero o outro faleceu. Axentes da Garda Civil confirmaron que sacaron o corpo da auga e, pese aos esforzos do sanitarios, non puideron facer nada para salvarlle a vida.