O incendio forestal da Serra da Culebra en Zamora obrigou os equipos de extinción a cortar o trazado ferroviario entre as estacións de Sanabria Alta Velocidade e Zamora capital. O corte aféctalles a todos os trens que circulan en ambos os sentidos entre Madrid e Galicia e Renfe vai establecer servizos alternativos para que os viaxeiros poidan realizar este treito duns 100 quilómetros por outros medios. Os viaxeiros realizarán o traxecto entre Otero de Sanabria e Zamora en autobús para desde alí continuar a viaxe en tren, no convoi que deixou os pasaxeiros en sentido contrario, que realizarán o mesmo percorrido por estrada para seguir en tren desde a estación de Sanabria Alta Velocidade, situada en Otero de Sanabria. Medio milleiro de profesionais dos medios de extinción de seis comunidades, do Ministerio para a Transición Ecolóxica e da UME traballan para intentar estabilizar o lume.
16