O incendio de Padrón obrigou á Consellería do Medio Rural a activar a Situación 2 como medida de emerxencia preventiva pola súa proximidade a dous núcleos de poboación da parroquia de Carcacía, Sobrerribas e Cruxeiras de Abaixo.
Este segundo núcleo tivo que ser desaloxado ao completo, con 10 vivendas nesta situación, segundo confirma a Europa Press o alcalde padronés, Anxo Rei Arca, que apunta que o lume excedeu os límites municipais e xa entrou en Teo, avanzando cara a Vilar do Bispo.
Neste sentido, o departamento autonómico confirmou que un dos flancos do incendio reactivouse ao longo desta xornada. O lume, declarado na tarde do venres, xa calcina 250 hectáreas, segundo as últimas estimacións.
Aínda que esta mañá parecía que avanzaba cara á súa estabilización, as altas temperaturas e o aire complicaron a situación.