Un lamentable Obradoiro cae en Andorra


Lamentable, con este cualificativo describía Moncho Fernández o partido realizado polo equipo galego en Andorra o pasado domingo. Non se escondía o de Pontepedriña recoñecendo con rotundidade o moi mal partido dos seus.

Apuntando tamén a desastrosa táctica, así como a interminable sucesión de erros individuais que desembocaron no 93-69 final. E é que Andorra, xogou e convenceu. Dominou todas as facetas do encontro co único lunar nos tiros libres, onde anotou 18/32. No demais, 30/42 en tiros de 2, un demoledor 72%, 40 rebotes por 19 composteláns e un equilibrado 5/11 en triplos, case un 46%, resultaron letais. Baste citar un detalle para clarificar o desastre do domingo: Obradoiro, que anotou un triplo máis, necesitou tentalo 16 veces máis cun paupérrimo porcentaxe de 22,22% nunha serie de 6/27. Comezaba o encontro cun parcial de 15-6, rozando o ecuador do primeiro cuarto. Acerto e accións espectaculares como un mate de Bandja Sy.

Finalizou o primeiro acto 25-16 para os de Ibón Navarro. O segundo cuarto foi o mellor do equipo compostelán, aínda así as canastras sucedíanse a ambos os dous lados da cancha, e a diferenza non se reducía, salvo ao final. Parcial de 0-7 cun triplo de Czerapowicz in extremis, que indicaba o camiño a vestiarios cun esperanzador 47-43. Obradoiro gañaba este cuarto por 5 puntos. Pero todo quedou en nada. Tras a continuación e a pesar dun enganoso 47-45 inicial, Andorra axustaba o seu defensa e entre Hannah, Musli e o mvp do domingo, a ex Obra, Nacho Llovet (6 puntos, 3 asistencias e 9 rebotes, para asinar 23 unidades de valoración) esnaquizaban aos visitantes , dobrándoos en anotación, cun punto máis de propina no terceiro cuarto, 25-12 para deixar o electrónico en 72-55, case visto para sentenza.

No último cuarto os do Principado dedicáronse a manexar o resultado e a divertirse xogando. Boas accións: mate de Tyson Pérez e alley- hoop de Walker que encandearon á parroquia local. Só restaba coñecer o resultado final e este, foi aínda máis duro, pois contou coas últimas xogadas de acerto local. Triplo de Sy e 2+1 de Massenat. Final do partido e derrota santiaguesa por 24 puntos de diferenza. Só kravic e Brodziansky raiaron a un nivel aceptable. O demais, sinxelamente non funcionou e parafraseando o reiterado cualificativo do coach galego, foi lamentable. A nota positiva foi o debut do basee do filial, Javier Cal, quen puido debutar en ACB. Substituíu a un lesionado Earl Calloway, que xunto con Álvaro Muñoz, foron as baixas visitantes.

A costa de xaneiro está a ser especialmente dura para o Obradoiro, co único aspecto positivo de manter o colchón de 3 vitorias sobre o descenso (conta con 7 vitorias), posto que Murcia (5), Betis (5) Estudantes (4) e Fuenlabrada (4), tamén perderon. Aínda que, este último, a punto estivo de dar a sorpresa ante o Barca. Próximo rival, domingo 26 de xaneiro, Valencia no Fontes do Sar. Un óso duro de roer con nivel de Euroliga, pero en Santiago, todo pode suceder.

ALEJANDRO LUÍS OTERO JAMARDO