31
De momento, descoñécense as causas do sinistro, que podía estar relacionado con que o patrón do Costa Cordal seguise vellas cartas de navegación, anteriores á construción do novo porto, que sitúan a bocana da dársena pesqueira no antigo peirao, ou cunha avaría no motor do barco, un cerqueiro de 20 metros de eslora e con base no porto de Camariñas. A embarcación Salvamar reflotou o barco con axuda doutros pesqueiros, dado o escaso calado existente na beira da praia Salvé, en Laredo, circunstancia agravada pola baixamar. Dúas horas permaneceu varado o Costa Cordal no lugar, aínda que a tripulación non sufriu ningún dano. O barco foi remolcado ao porto de Laredo, onde descargou caixas de peixe que levaba a bordo.