A Cultural e Deportiva Leonesa aproveitaba este domingo a súa oportunidade, xogando na casa, de seguir camiñando con paso firme cara ao éxito. O conxunto leonés, que volve xogar en Santo Esteban a pesar de que se anunciou que a finais de de febreiro podería facelo no Palacio dos Deportes, recibía ao sexto clasificado, o Calvo Basket Xiria co reto de seguir gañando, sen confiarse, e así foi. Nun partido moi parello desde o primeiro minuto, ambos equipos intercambiaron boas accións de xogo en ataque e tras os primeiros dez minutos de xogo, os de Héctor Méndez víanse 19-20 arriba, resultado ao que lle daba a volta a Cultural Leonesa antes do descanso, 44-43. Tras a continuación o Basket Xiria tivo bos momentos e levouse o resultado do terceiro cuarto por dous puntos, 21-23. Antes do último cuarto decisivo os carballeses gañaban dun punto, 65-66, pero o partido se lles puxo de novo costa arriba tras varias perdas de balóns que aproveitaron os locais para ‘machucar’ o parcial, 15-4 e por conseguinte o partido con dez arriba, 80-70.
30