O titular do Xulgado de Instrución número 47 de Madrid, Adolfo Carretero, acordou abrir dilixencias para investigar se houbo un erro informático na votación do real decreto da reforma laboral este xoves no Congreso dos Deputados, que saíu adiante por un erro do deputado do PP Alberto Casero. O xuíz, que adoptou esta decisión tras admitir a denuncia do avogado Esteban Gómez Rovira, deu traslado á Fiscalía para que se pronuncie sobre se puido haber delito na votación. O maxistrado rexeitou a medida cautelar solicitada polo denunciante para que a Garda Civil acuda ao domicilio do deputado do PP e ao Congreso «para proceder á análise de terminais e sistemas necesarios para investigar o presunto delito».