Cento dúas persoas víronse afectadas este sábado por unha avaría do tren no que viaxaban. Sucedeu entre as localidades da Pobra do Brollón e Freixeiro e parte da pasaxe tivo que ser trasladada en autobús e noutro tren para cubrir a ruta que realizaban, desde A Coruña a San Sebastián.Ademais, a circulación pola vía permaneceu pechada desde as 12:45 as 15:15 horas.
Os feitos tiveron lugar ao fío das 13:45 horas, momento no que o Centro de Control de Seguridade de Renfe poñía a situación en coñecemento do 112 Galicia.
Nada máis ter constancia, o persoal do CIAE 112 Galicia informou aos servizos sanitarios de urxencia, aos Bombeiros de Monforte e da Agrupación de Voluntarios de Protección Civil da localidade. Ademais, requiriu a intervención dos axentes da Garda Civil.
Compre destacar que durante a espera do transbordo ningún dos viaxeiros precisou asistencia sanitaria.