Unha avaría na rede eléctrica deixa sen luz a miles de fogares en varias zonas de España


Unha avaría nunha liña «de moi alta tensión de 400.000 voltios» de Rede Eléctrica de España (REE), segundo os servizos de emerxencia que citan ás compañías Iberdrola e Endesa, ocasionou na tarde deste sábado un apagamento que deixou sen luz a centos de miles de persoas por toda España. Estes cortes de luz duraron ao redor de 45 minutos, tempo no que moitos fogares quedaro a oscuras, principalmente nas comunidades autónomas de Madrid, Cataluña, Andalucía, Aragón, Navarra, País Vasco, Castela e León, Estremadura e Murcia.

O corte de subministración eléctrica afectou a algúns equipos do aeroporto de Barcelona, informou o xestor aeroportuario Aena, que lamentou as molestias que causou aos usuarios. Rede Eléctrica explicou nun comunicado que «ás 16:35 horas debido a unha avaría no sistema eléctrico francés, coincidindo cun incendio sobrevoado por hidroavións, prodúcese a desconexión dos dous circuítos da interconexión eléctrica entre España e Francia, provocando a desconexión do sistema eléctrico peninsular do resto de Europa».

O apagamento afectou a 1.200.000 abonados en toda a península, así como a varias zonas de Portugal.