“Unha nova Galiza”, lema de campaña do BNG

Foto.- bng

Unha Nova GalizA é o lema de campaña do BNG de cara a cita do 12X que sintetiza o cambio galego para abrir un tempo novo que a formación nacionalista quere liderar, recalcando graficamente “o A da Galiza viva, moderna, próspera, xusta, feminista e de o A de presidenta”, en palabras da portavoz nacional e candidata, Ana Pontón.

Na presentación do lema, a líder nacionalista explicou as bases desa nova Galiza que o Bloque quere construír: “unha nova Galiza que confía en si mesma, na súa xente e nas súas capacidades e potencial para levar adiante a reconstrución económica e social; unha nova Galiza que aspira a que o país se goberne desde aquí, acabou o tempo de que a última palabra a teñan nos despachos madrileños. Os galegos e galegas queren unha Galiza gobernada desde Galiza, e unha nova Galiza cun goberno forte e leal que defenda o país e a súa xente sen complexos e sen ataduras”, sintetizou.