A xornada de vacinación masiva convocada polo Sergas este sábado en Galicia discorreu con normalidade e axilidade na maioría dos casos. Un total de 14.734 persoas recibiron a vacina nos 14 centros distribuidos polo país na primeira xornada de vacinación masiva en Galicia que se realizou de xeito simultáneo nas sete áreas sanitarias. As persoas que non se vacinan corresponden na meirande parte a contraindicacións. Son case 900 (896).Con datos das 20:30 horas deste sábado, a porcentaxe de recepción das doses de AstraZeneca a persoas de entre 50 e 55 anos varía dunhas áreas sanitarias a outras. A media é dun 76,54 por cento de asistencia aos 14 puntos distribuídos por toda a comunidade. Setenta equipos administráronlles aos asistentes as doses de AstraZeneca. A maioría das áreas sanitarias superan o 75 por cento de participación das persoas de entre 50 e 55 anos convocadas. Simultáneamente nas sete áreas sanitarias de Galicia, a primeira vacinación masiva contra a covid-19. Arredor de 19.000 persoas, con idades entre os 50 e os 55 anos, foron convocadas por SMS para acudir ao longo do día a recibir a primeira dose da vacina.
41