Polo menos sete persoas morreron na localidade ucraína de Rzhyshchiv, a uns 80 quilómetros ao sur de Kiev, nun ataque perpetrado por un dron de fabricación iraniana lanzado por Rusia que impactou nun edificio residencial, segundo o último balance dos servizos de emerxencias. Varias persoas tamén resultaron feridas e non descártase que o número de mortos aumente co avance dos labores de procura. Os habitantes que quedan na zona apresúranse a evacuar. As autoridades ucraínas anunciaran antes que todos os drons Shahed-136 de fabricación iraniana lanzados polas forzas rusas sobre a capital de Ucraína foran interceptados polas defensa antiaéreas, o que fai pensar que as mortes se produciron ao caer os aparellos interceptados. Segundo as Forzas Armadas ucraínas, Rusia lanzou a pasada madrugada 21 drons contra Kiev e outras rexións ucraínas, dos que 16 foron derrubados polos sistemas antiaéreos.
41