33
Tras seguir o protocolo de analítica realizado esta fin de semana entre o persoal de servizos e os usuarios do centro da terceira idade DomusVi de Vimianzo e levar a cabo máis de 200 probas, desde o centro confirmáronse seis positivos asintomáticos por Covid-19. A administración local e as forzas de seguridade activaron un dispositivo especial para atallar o problema e garantir a seguridade de usuarios e traballadores, ao mesmo tempo procedeuse á recolocación temporal do persoal laboral en diferentes hostais da zona.