A asociación Vieiro de Carballo dentro da súa programación de prevención de adiccións con e sen substancia prosegue este mes de xuño impartindo nas asociacións Aspaber, Apem e Íntegro, un ciclo de talleres destinados a traballar a prevención de condutas adictivas segundo o seguinte calendario:
O 9 de Xuño na sede da asociación Prol Enfermos Mentais (Apem) de Carballo.
Os días 6 e 12 de Xuño na asociación de persoas con diversidade funcional (Íntegro) de Cabana de Bergantiños
O 8 de Xuño na asociación de pais/nais de persoas con diversidade funcional (Aspaber)Os obxectivos destas xornadas son, ofrecer información sobre os efectos e consecuencias do consumo de substancias e dotar aos/as asistentes de coñecementos básicos das novas tecnoloxías dun modo saudable e responsable.
Vieiro agradece á dirección, ao persoal e aos/as usuarios/as das asociacións Apem, Aspaber e Íntegro, o compromiso, acollida, resposta e a participación no ciclo de talleres, actividade de sensibilización e concienciación que contribúe a alcanzar o obxectivo do fortalecemento e a consolidación da inclusión.