O alcalde informou este xoves das actuacións que proxecta o goberno municipal para o vindeiro exercicio poñendo en valor a “estabilidade e seguridade política” do seu goberno, que aprobou tódolos anos o orzamento municipal “en tempo e forma” e salientou o incremento do 30% no gasto para 2023.
O Orzamento de Vigo para o vindeiro ano suma 160 millóns de euros en investimento total: 33 millóns de euros en actuacións proxectadas aos que cómpre incorporar 10 millóns de euros máis de fondos europeos e os máis de 100 millóns de euros que están en execución a través de créditos extraordinarios. “Multiplicamos por dez o investimento dun ano promedio” experimentando “un incremento do mil por cen no investimento”, apuntou Abel Caballero ao dar conta das cifras.