21
O Indoor Park de Navia será un espazo para a práctica de deportes urbanos: skate, bmx, scooter e roller, estará situado entre as rúas Ufas e Poza Cabalo, e a superficie total da actuación comprenderá 12.000 metros cadrados. O alcalde da cidade, Abel Caballero, avanzou que o orzamento da nova instalación, que contará con dúas pistas, superará os 3 millóns de euros, unha cifra que quedará concretada no proxecto técnico. Será de uso público e gratuíto. O parque de skate cuberto de Navia dispoñerá de zona de cantina, aseos e vestiarios e, no resto do espazo da parcela, uns 7.000 metros cadrados, tratarase como zona verde e esparexemento da contorna, con mellora das plantacións e creación de zonas de descanso.