- A alcaldesa, Mónica Rodríguez, pretende dar resposta ao incremento do turismo itinerante no municipio
O Concello de Vimianzo preparará a contorna do campo de fútbol para habilitala como área de autocaravanas. A alcaldesa, Mónica Rodríguez, comentou que ‘estamos a observar un incremento na preferencia do turismo itinerante, e daremos resposta á demanda con este proxecto’.
Entre os traballos que se executarán atópanse a dotación de puntos de auga para dar abastecemento ás persoas usuarias, a limpeza e a colocación de sinalización para a correcta ubicación da zona.
Continúan as limpezas por todos os núcleos de Vimianzo A administración vimiancesa segue a darlle pulo, á súa vez, aos traballos de limpeza e adecentamento de todos os núcleos do municipio ‘tras o parón administrativo que supuxo a crise sanitaria’, comenta a rexedora.
O Concello continuará tamén coa recuperación de antigos camiños e sendas, así como mobiliario histórico como poden ser o caso dos antigos lavadeiros do municipio.