O Concello de Vimianzo deu a coñecer este venres a súa oferta cultural de inverno, unha programación que aúna representacións teatrais e concertos para todos os públicos. A alcaldesa, Mónica Rodríguez; a concelleira de Cultura, Rosa Blanco, e a técnica de Cultura, Nieves Lema, foron as encargadas de presentar o cartel completo, cuxas obras para adultos se desenvolverán todos os sábados ás 20:30 horas mentres que as destinadas a un público infantil/familiar serán os domingos ás 18:30 horas. Todas as funcións representaranse na Casa da Cultura. O prezo da entrada é de 5 euros (reducida 2.50€), con descontos para maiores de 65 anos e para estudantes acreditados, e poderá adquirirse unha hora antes do inicio do espectáculo.
Funcións para público adulto:
12 de febreiro. ‘Arrolando as flores’, de Rilo & Penadique.
19 de febreiro. ‘O meu mundo non é deste reino’, de Teatro da Ramboia (adaptación da ‘Farsa de Bululú’ de Manuel María).
5 de marzo. ‘2pilgrims’, de Redrum Teatro (enfocado ao público adolescente co fin de concienciar, educar en igualdade e inculcar valores que preveñan a violencia de xénero).
12 de marzo. ‘Matrioskas’, unha proposta de Charlatana xunto á cantautora Sofía Espiñeira e a contadora Marta Ortiz.
19 de marzo. ‘Ibuprofeno’, Teatro Smoke on the waterque.
25 de marzo. ‘Rastros’, da compañía Condetrespés. Representación para celebrar o Día do Teatro.
26 de marzo. ‘Código Sapiens’, do vimiancés Vicente Mohedano.
2 de abril. ‘Morte accidental dun anarquista’, de Talía Teatro.
9 de abril. ‘As alumnas’, de Culturactiva.
23 de abril. ‘Drop’, de Pistacatro Productora de Soños.
30 de abril. ‘Leira no Camiño’, da compañía Nova Galega e Danza. O profesor da Escola de Danza Municipal Iván Villar forma parte do corpo de baile.
A venda anticipada para estas obras será a través de www.woutick.es ou no portelo da Casa da Cultura, de luns a venres, de 9:30 a 13:30 horas. Na Casa da Cultura tamén se ofertará un bono para os todos os espectáculos por 37,50€ (excepto para ‘Rastros’, xa que será de balde).
‘Inverno en familia’, funcións para público infantil ou para desfrutar en familia:
13 de febreiro. ‘Ás para Álex’, de Baoba Teatro.
24 de febreiro. ‘Sempre Rosalía’, de Producións Dispersas. Destinado ao público escolar para conmemorar o día da escritora, que se celebra o 23.
13 de marzo. ‘Facede o favor…pensade’ do grupo ‘As avoas’ de Laxe Teatro.
27 de marzo. ‘Carabela’ de Galeatro.
3 de abril. Concerto da Orquestra Infantil da Sinfónica de Galicia.
24 de abril. ‘Ciclobiblioteca’ de Anxo Moure. Espectáculo para conmemorar o Día da Terra (22 de abril) e o Día do Libro (23 de abril).