33
Os trens da liña de alta velocidade entre Madrid e Barcelona volveron a saír das estacións tras verse afectado o sistema de electrificación durante a tarde deste xoves, o que obrigou a cortar a circulación. A incidencia tivo lugar concretamente no tramo entre Brihuega e Las Inviernas, en Guadalaxara. Renfe achacou a incidencia ao temporal de chuvia e vento que se rexistrou este xoves na zona centro do país. O Adif tamén asegurou que esta «parece ser a causa máis probable da incidencia», aínda que a valoración seguirá aberta para determinar as causas.