33
- As plataformas Facebook e Instagram tamén teñen problemas que dificultan a carga de vídeos e imaxes
Este mércores diversas plataformas de uso mundial sufriron unha caída. Segundo recolle o portal DownDetector, os servizos da compañía Facebook empezaron a fallar á primeira hora da tarde, sobre as 16.00 (hora peninsular española).
Tamén se unen a Facebook diversas plataformas e redes sociais como WhatsApp e Instagram, pero non todas sofren fallos técnicos en todas as partes do mundo. De feito, teñen as súas zonas:
- Facebook: os usuarios afectados atópanse principalmente en Europa e a zona central e o leste de Estados Unidos.
- WhatsApp: América do Sur e Europa central son os lugares máis prexudicados.
- Instagram: os seus problemas focalízanse en Europa e Estados Unidos, segundo Outage Report.
Nos tres casos, os usuarios quéixanse de problemas na carga de contidos audiovisuais.
Non é a primeira vez que a compañía Facebook (propietaria desta rede social, e tamén de WhatsApp e Instagram) sofre unha gran caída. De feito, durante este ano, o servizo das distintas plataformas caeu tres veces en tan só catro meses.