Xornada infernal en Italia polo COVID-19. En apenas un día, o coronavirus causou a morte de trescentas corenta e nove persoas no país transalpino; a segunda nación máis prexudicada pola enfermidade no mundo. Con máis de vinte e tres mil casos activos de contaxio e unha economía debilitada, o Goberno italiano avoga por unha forte inxección de liquidez para paliar os efectos do virus que xurdiu en Wuhan. «Fomos os primeiros en destinar unha partida de ao redor de vinte e cinco mil millóns de euros ao mercado, en beneficio do sistema económico italiano, así como en beneficio das empresas e das familias. Ninguén debería sentirse abandonado. Este foi o noso obxectivo desde o principio e agora, a aprobación deste novo decreto lei representa unha proba diso. O Estado está presente», declara Giuseppe Conte, primeiro ministro de Italia.
36