- A asociación Visibles impartiu esta semana un obradoiro para recoñecer as diferentes modalidades de violencia machista
O 25 de novembro celébrase o Día Internacional da Eliminación da Violencia contra a Muller, e no instituto baiés Maximino Romero de Lema xa comezaron a desenvolverse varias actividades para sensibilizar e educar aos máis novos ante esta lacra social.
Esta semana case todo o alumnado do centro participou no obradoiro Mulleres visibles. Violencias machistas impartido por Olalla Trigo da Asociación Visibles. Este taller traballa «na prevención, identificación e sensibilización das diferentes formas de violencia de xénero», sinalan desde o centro escolar. Se ben a violencia física, psicolóxica e vicaria son as más coñecidas, existen máis modalidades como a obstétrica, a cultural ou a estrutural.
Desde o instituto recalcan que «a toma de consciencia é o primeiro paso para camiñarnos de cara á erradicación das violencias
de xénero», por ese motivo continuarán realizando este tipo de actividades e seguir «educando en igualdade».
Por outra banda, os pais e nais do alumnado recibirán o próximo mércores, día 17, un obradoiro educativo impartido polo recoñecido antropólogo, formador e investigador en Xénero, Violencia e Diversidade, David Kaplún Medina.
Todas estas actividades están enmarcadas nun programa de sensibilización impulsado pola Deputación da Coruña.