As Medallas de Ouro de Galicia constitúen o máximo recoñecemento que o Executivo autonómico entrega a personalidades, colectivos ou institucións polos seus méritos ao servizo da comunidade en calquera ámbito da vida social, cultural ou económica. A princesa Leonor, que estivo ligada á Escola Naval de Marín pola súa formación nos últimos meses, recollerá o galardón nun acto específico o próximo 14 de xullo en Santiago de Compostela. A principios de xullo, a Princesa fará escala en Ferrol e poñerá rumbo a Marín a bordo do buque-escola Elcano para continuar a súa formación. Tamén, durante eses días, será nomeada Filla Predilecta de Marín. E xa o 16, coincidindo coa festividade da Virxe do Carme, terá lugar a cerimonia de entrega de despachos na Escola Naval de Marín.
18