O Estadio Abanca-Riazor da Coruña, sede do Real Club Deportivo, converterase no estadio de Europa co máis completo despregamento de cobertura e casos de uso 5 G. Como funcionalidade principal habilitarase a retransmisión en directo de eventos deportivos con realización automática baseada en Edge Computing e Intelixencia Artificial, dispoñendo ademais de servizos adicionais como KissCam, mapas de calor mediante realidade aumentada e TV multicámara.
Telefónica despregou para este proxecto cobertura 5G específica dentro do estadio, tanto en 3.5 Ghz como en bandas milimétricas, dentro do marco do “Piloto 5 G en Galicia” cofinanciado por Red.es a través de fondos FEDER. O piloto complétase co sistema tiivii de Cinfo que xestiona 8 cámaras xestionadas en directo e en baixa latencia a través da rede 5 G: 5 cámaras robotizadas para seguimento de xogo en tempo real, 2 cámaras fixas para análises de partidos e 1 cámara panorámica, todas elas retransmitindo o vídeo en directo a través da rede de nova xeración.
A rede 5G despregouse con tecnoloxía de Ericsson, tanto para a cobertura en 3.5 Ghz e en milimétricas, como para o núcleo de rede 5G en tecnoloxía NSA e SA.