Trátase dun espazo adicado ás familias coidadoras de persoas afectadas pola enfermidade de Alzhéimer e/ou outras demencias enfocadas na transmisión de información coñecementos relacionados con todos aqueles aspectos vinculados aos coidados do día a día.
O vindeiro venres 17 de abril ás 17:00 horas terá lugar a cuarta sesión gratuita desta segunda volta do obradoiro, que terá como temática principal O PAPEL DA LOGOPEDIA NAS ENFERMIDADES NEURODEXENERATIVAS E DANO NEUROLÓXICO: as afasias e disfaxias e sinais de alarma de ambas, recomendacións para a alimentación na casa, disartrias e apraxias da fala.
A sesión será impartida por Nerea Vázquez, logopeda especializada en terapia miofuncional e neurorrehabilitación e terá lugar no local de Afaber (Lugar Mirón nº24 baixo, en Bértoa, Carballo). Aforo limitado.
Para máis información e inscricións poden poñerse en contacto mediante os números de teléfono 981 75 85 45 e 625 980 691.
8