- O 016 é o teléfono de atención a vítimas de violencia de xénero, é gratuíto e non deixa pegada na factura
Dúas mulleres, de 43 e 78 respectivamente, aumentaron a lista de vítimas por violencia de xénero en España, que este ano xa suma 13 mulleres asasinadas, e eleva a 1.046 as vítimas desde que comezaron a rexistrarse as estatísticas.
A muller máis nova foi asasinada polo seu marido, que se suicidou tras cometer o crime, no domicilio familiar do matrimonio en Aznalcóllar, Sevilla. O suceso tivo lugar un pouco antes desta pasada medianoite.
A outra vítima, de 78 anos, foi achada morta horas máis tarde no seu domicilio de Fuenlabrada, en Madrid. Segundo fontes da Policía Nacional, o seu marido autolesionárase.
Actualmente e segundo as cifras oficiais, o número de mulleres asasinadas polas súas parellas ou exparellas desde o ano 2003 ascendería a 1.046 se o Goberno confirma que o asasinato en Fuenlabrada se trt trátase doutro caso de violencia de xénero.
O 016 é o teléfono de atención a vítimas de violencia de xénero, é gratuíto e non deixa pegada na factura. Os cidadáns que sexan testemuñas dalgunha agresión deben chamar ao 112.