0
O presidente do Goberno, Pedro Sánchez, anunciou este mércores o cambio nunha declaración institucional no Palacio da Moncloa logo de que Puente anunciara a súa renuncia á última hora deste martes. O vicepresidente primeiro e ministro de Economía, Carlos Cuerpo, será quen asuma transitoriamente as competencias do Ministerio de Transportes de Mobilidade Sostible. O xefe do Executivo mostrouse «convencido» de que Cuerpo «fará un bo traballo e dará continuidade ás reformas iniciadas por Puente». Ademais, garantiu que o Goberno seguirá facendo o que estea nas súas «mans» para «asistir ás persoas que se viron golpeadas polo terrible accidente de Urda e para recuperar a normalidade na nosa alta velocidade».