O motorista foi o único vehículo implicado e o único ferido neste accidente, que se produciu na OU-1011, na Ponte de Oímbra, en Ourense.
O 112 Galicia recibiu información sobre o suceso preto da unha da madrugada deste luns mediante un aviso de Urxencias Sanitarias de Galicia-061, que estaba a enviar unha dotación ao lugar do accidente. Nese intre, os profesionais sanitarios xa avanzaban que o motorista estaba inconsciente.
De contado, os xestores do Centro Integrado de Atención ás Emerxencias de Galicia trasladaron a información aos axentes da Garda Civil de Tráfico e aos Bombeiros de Verín. Non obstante, a única vítima do accidente estaba liberada e accesible, pero faleceu.
Do mesmo xeito, os axentes de seguridade puideron comprobar que era o único vehículo implicado e tamén a única persoa implicada.