0
O sinistro producíase pasados uns minutos das once da mañá deste luns 21 de setembro. Unha persoa particular contactaba co 112 Emerxencias Galicia para comunicar esta incidencia na AC-552 quilómetro 34, entre a entada da autovía e a fábrica de conservas Calvo. Por sorte, os danos persoais foron mínimos. Aínda así unha ambulancia do 061 trasladábase ao punto para atender a un contusionado. A Policía Local de Carballo tivo que regular o tráfico con dúas patrullas debido ao corte dun carril por numerosos restos materiais e de cristais na calzada provocados polo accidente, pero cabe destacar que este tramo da vía é competencia da Garda Civil de Tráfico, que acudiría máis tarde a levantar o correspondente atestado.