22
Joaquín Sabina suspendeu o seu concerto con Joan Manuel Serrat en Madrid tras caer do escenario e sufrir un “forte golpe no ombreiro”, Sabina precipitouse mentres presentaba a seguinte canción e andaba polo escenario falando “con total claridade”. Caeu de fronte, onde “xa non había escenario”.
Os sanitarios de Emerxencias recollérono e sacárono da contorna do escenario cunha padiola. Uns minutos máis tarde, a megafonía anunciou que estaban “a examinar o golpe” que recibira o cantante, pero que estaba consciente e falaba.
Tras preto de media hora, foi o propio Sabina xunto a Serrat quen, en cadeira de rodas, comunicou a suspensión do concerto.