Os seguidores do presidente Donald Trump irromperon este mércores no Congreso de EE. UU. tras derrubar varios valos de seguridade e enfrontarse coa policía, que se viu superada, provocando caóticas escenas na capital estadounidense. O asalto violento ao Capitolio non ten precedentes na historia moderna de EE. UU. e habería que remontarse ata a queima de Washington por parte das tropas británicas en 1814 para atopar un ataque similar. A alcaldesa Muriel Bowser declarou o toque de queda na cidade ante o caos xerado, con miles de manifestantes nas rúas de Washington. O toque de queda comezou ás 18:00 (23:00 GMT), pouco despois de que as autoridades conseguisen despexar o interior do Capitolio e lanzasen gases irritantes e de aturdimiento para dispersar ás centos de persoas aínda congregadas nos seus arredores. A muller que foi ferida de bala durante o asalto morreu, indicaron fontes policiais á canle MSNBC. Foi trasladada de emerxencia cunha forte hemorraxia desde o interior da sede lexislativa durante o asalto de centenares de manifestantes que se prolongo durante varias horas ata que foron desaloxados a última hora da tarde.
28