A cerimonia celebrouse este martes durante a pleamar, ante centenares de traballadores, familiares, veciños e representantes institucionais, entre os que se atopaban o delegado do Goberno en Galicia, Pedro Blanco, e os conselleiros de Presidencia, Xustiza e Deportes, Diego Calvo, e Economía e Industria, María Jesús Lorenzana, entre outras autoridades, así como representantes do ámbito da Defensa de varios países. A escritora Almudena de Arteaga, descendente do almirante que dá nome ao buque, exerceu de madriña e protagonizou o bautismo da fragata, de 145 metros de eslora e 18 de manga. O almirante xefe do Estado Maior da Armada, Antonio Piñeiro, dixo que as fragatas constitúen un «proxecto de Estado» e a «resposta nacional aos desafíos dunha contorna geoestratéxica cada vez máis esixente». Pola súa banda, o presidente de Navantia, Ricardo Domínguez, defendeu que se trata das fragatas «máis avanzadas do mundo», que sitúan a España «entre as referencias da construción naval militar».
0