Nesta ocasión os socialistas afirman que o goberno local eliminou o persoal que traballaba nas limpezas diarias do centro e que se volve a demostrar que os servizos nos colexios son pouco importantes dentro da súa «nula capacidade de xestión» e lamentando «que se desvíen recursos económicos para festas mentras servizos tan importantes, básicos e esencias como as limpezas nos colexios sufren constantes recortes».
O grupo municipal socialista carga duramente contra a concelleira Aurelia Picallo, pois consideran que “é indecente que un goberno deixe un colexio sen personal de limpeza continuamente, pero máis indecente é que a responsable de educación no goberno sexa a propia directora do centro que sofre maiores recortes”, denuncia o portavoz municipal Iago Toba, que informa que os socialistas denunciarán ante a inspección de educación e a consellería esta situación.
Conclúen afirmando que esto está causando alarma nalgunhas familias afectadas pois vén como de forma repetitiva «este goberno está mermando os servizos dun colexio repercutindoo directamente nos nenos e nenas alumnas do centro», algo que os socialistas avisan que “non consentiremos baixo ningun concepto” e que “non pararemos coas accións de denuncia ata que se restablezca a normalidade educativa neste ou noutro centro de enseñanza público do municipio muxián”.