- A cerimonia incluíu tamén unha homenaxe póstuma ao músico Willie Colón, falecido en febreiro aos 75 anos, na que participaron artistas como Niña Pastori e Grupo Niche.
Rosalía foi raíña unha vez máis e converteu a 27.ª edición de Latin Grammy nunha celebración da súa persoa que «sei que ten aínda moito por aprender». Ns súa campechanía e humildade, arrasou sen paliativos. E tamén lle dixo á súa nai no estrado que vaia buscando oco na casa, porque a artista catalá levouse cinco gramófonos dourados incluídos o de Mellor Canción pola perla e o Mellor Álbum do Ano (o terceiro que ten xa) por Lux, impoñéndose a Karol G, Jorge Drexler, Mon Laferte ou Anitta neste caso. Unha vitoria que recibiu chorando a lume de biqueira. Visiblemente emocionada, Rosalía asegurou que aínda ten moito que aprender, pero tamén que conta con todo o necesario para chegar a ser a mellor.
O segundo artista máis premiado foi o arxentino Milo J, que conseguiu catro gramófonos, os primeiros da súa carreira. Entre eles, o de gravación do ano por «Niño» e mellor álbum folk por La vida era más corta. Desde o escenario reivindicou a música tradicional do seu país cun berro: «Viva o folclore arxentino!». Tamén houbo premios para a música española. Alejandro Sanz conseguiu o de mellor álbum de pop contemporáneo por ¿Y ahora qué, mentres que Yerai Cortés foi distinguido co de mellor álbum flamenco por POPULAR.
