52
Rexistrouse pasadas as 13:15 horas deste sábado no quilómetro 1 da DP-1913, en Soandres, e implicou a tres coches. Un deles caeu por un desnivel e acabou nun regueiro situado preto da vía.
Malia o aparatoso do accidente, todas as persoas abandonaron os vehículos polos seus propios medios. Tres delas estaban feridas e foron atendidas polo persoal sanitario.
Neste operativo interviñeron Urxencias Sanitarias de Galicia-061, Garda Civil de Tráfico, os voluntarios de Protección Civil da Laracha e os servizos de mantemento da estrada.