Segundo informa a Garda Civil, axentes de Tráfico de Corcubión investigan a este condutor como presunto autor de dous delitos contra a seguridade viaria logo deste accidente. A actuación desencadeouse tras terse coñecemento dunha saída de vía no punto quilométrico 3,2 da estrada provincial DP-4001.
Tras comparecer no lugar do accidente, a patrulla de servizo observou que o condutor «presentaba síntomas evidentes de atoparse baixo a influencia de bebidas alcohólicas». O individuo lanzou taxas constitutivas de delito nas probas realizadas.
Ademais, tras consultar as bases de datos, comprobouse que ao implicado constáballe en vigor unha suspensión temporal do permiso de condución, acordada previamente pola Sección do Penal número 2 de Santiago.
Así mesmo, verificouse que había unha orde de procura e detención contra este home dun xulgado de Carballo, polo cal foi detido e posto á disposición do xulgado de garda en Corcubión.