As primeiras informacións falan de polo menos 40 mortos e varios feridos ao chocar este mércores dous trens e desprenderse dous vagóns por un terraplén en Urda, Toledo, segundo confirmaron fontes de Renfe. A circulación na liña de alta velocidade Madrid-Andalucía quedou «interrompida» en ambos os sentidos tras o ocorrido, segundo precisou o Administrador de Infraestruturas Ferroviarias (Adif). O accidente foi sobre as 8.30 horas no punto quilométrico 118, entre un tren de Renfe e outro da compañía Iryo, que cubrían o traxecto Madrid-Sevilla. «Un tren de alta velocidade golpeou a outro por detrás en sentido sur, ían a Andalucía», indicou Adif. No lugar están a traballar efectivos do parque de bombeiros de Alcázar de San Juan e Orgaz, Protección Civil, tres helicópteros sanitarios e dúas UVI. Fontes de Renfe sinalan que enviou xa persoal cara ao lugar do sinistro e confirman que a compañía habilitou xa cambios e anulacións de billetes para os pasaxeiros afectados.
0